فوتو: اشىق دەرەككٶز
شىمكەنتتەگٸ «جاستار تەاترىنىڭ» ديرەكتورى مەن بٸرقاتار لاۋازىمدى تۇلعالار 136 ميلليون تەڭگەدەن استام بيۋدجەت قاراجاتىن جىمقىردى دەگەن كٷدٸكپەن قاماۋعا الىندى, دەپ حابارلايدى Ult.kz.
مەملەكەتتٸك بيۋدجەتتەن كونتسەرت ٶتكٸزۋگە ارنالعان جابدىقتاردى (كولونكالار, سابۆۋفەرلەر, ميكروفوندار, ساحنالىق قۇرىلعىلار جەنە ت.ب.) ساتىپ الۋعا 320 ملن تەڭگە بٶلٸنگەن. الايدا ساتىپ الۋ كەزٸندە زاڭ تالاپتارى ٶرەسكەل بۇزىلىپ, لوتتار قولدان بٶلشەكتەلٸپ, 20-دان استام اتاۋ بويىنشا ساتىپ الۋ ەلەكتروندى دٷكەن ارقىلى جٷرگٸزٸلگەن.
جالعان كەسٸپكەرلەرمەن كەلٸسٸمشارتتار جاسالىپ, تاۋارلار ناقتى جەتكٸزٸلمەگەن. سوعان قاراماستان, بٶلٸنگەن قاراجات قولما-قول اقشاعا اينالدىرىلعان.
تەرگەۋ بارىسىندا كٷدٸكتٸلەردٸڭ بٸرٸ زاڭسىز جولمەن تاپقان تابىسىنا جالپى قۇنى 48 ملن تەڭگە بولاتىن پەتەر مەن اۆتوكٶلٸك ساتىپ العانى انىقتالدى. اتالعان مٷلٸك سەنٸمدٸ تۇلعالاردىڭ اتىنا رەسٸمدەلٸپ, جاسىرۋعا تىرىسقان.
قازٸرگٸ ۋاقىتتا سوتتىڭ سانكتسيياسىمەن بۇل مٷلٸككە تىيىم سالىندى, ال كٷدٸكتٸلەر ۋاقىتشا ۇستاۋ يزولياتورىنا قامالدى.
