Shymkentte 1 jasar bala basseinge qulap, sýǵa batyp ketti, dep habarlaidy QazAqparat.
Oqiǵa Abai aýdany, Qyzyljar shaǵyn aýdany, Bershintóbe kóshesinde ornalasqan jeke turǵyn úide bolǵan. Aýlada qaraýsyz qalǵan sábi basseinge qulap ketken. Ata-anasy qasynda bolmaǵan. Qazirgi tańda oqiǵanyń mán-jaiy anyqtalýda.
Al, Shymkent qalasynyń TJD saqtyq sharalardy árdaiym saqtaý kerektigin eskertedi.
«Balalarǵa sýdyń janynda eresek adamnyń qaraýynsyz bir minýtqa qalýǵa múmkindik bermeý qajet. Náresteler men 5 jasqa deiingi balalar anatomiialyq erekshelikterine bailanysty sýǵa batýǵa beiim. Olardyń denesimen salystyrǵanda basy salystyrmaly túrde aýyr, aýyrlyq ortalyǵy joǵary, sondyqtan olar basseinde, teńizde, vannada jáne t.b. op-ońai sýǵa batyp ketýi múmkin», - deidi Shymkent qalasy TJD qoǵammen bailanys toby.
Aita keteiik, shilde aiynyń basynda da Shymkentte 6 jasar bala basseinge qulap, sýǵa batyp ketken bolatyn.
