شىمكەنتتە 1 جاسار بالا باسسەينگە قۇلاپ, سۋعا باتىپ كەتتٸ, دەپ حابارلايدى قازاقپارات.
وقيعا اباي اۋدانى, قىزىلجار شاعىن اۋدانى, بەرشٸنتٶبە كٶشەسٸندە ورنالاسقان جەكە تۇرعىن ٷيدە بولعان. اۋلادا قاراۋسىز قالعان سەبي باسسەينگە قۇلاپ كەتكەن. اتا-اناسى قاسىندا بولماعان. قازٸرگٸ تاڭدا وقيعانىڭ مەن-جايى انىقتالۋدا.
ال, شىمكەنت قالاسىنىڭ تجد ساقتىق شارالاردى ەردايىم ساقتاۋ كەرەكتٸگٸن ەسكەرتەدٸ.
«بالالارعا سۋدىڭ جانىندا ەرەسەك ادامنىڭ قاراۋىنسىز بٸر مينۋتقا قالۋعا مٷمكٸندٸك بەرمەۋ قاجەت. نەرەستەلەر مەن 5 جاسقا دەيٸنگٸ بالالار اناتومييالىق ەرەكشەلٸكتەرٸنە بايلانىستى سۋعا باتۋعا بەيٸم. ولاردىڭ دەنەسٸمەن سالىستىرعاندا باسى سالىستىرمالى تٷردە اۋىر, اۋىرلىق ورتالىعى جوعارى, سوندىقتان ولار باسسەيندە, تەڭٸزدە, ۆاننادا جەنە ت.ب. وپ-وڭاي سۋعا باتىپ كەتۋٸ مٷمكٸن», - دەيدٸ شىمكەنت قالاسى تجد قوعاممەن بايلانىس توبى.
ايتا كەتەيٸك, شٸلدە ايىنىڭ باسىندا دا شىمكەنتتە 6 جاسار بالا باسسەينگە قۇلاپ, سۋعا باتىپ كەتكەن بولاتىن.
