Aýa raiynyń qolaisyzdyǵyna bailanysty Shymkenttiń júzdegen turǵyny jaryqsyz qaldy. Elektr qýaty 23 baǵyt boiynsha ajyratyldy, dep habarlaidy QazAqparat.
Qazirgi ýaqytta qala boiynsha 16 avariialyq brigada, 11 arnaiy tehnika jumys isteýde.
- «Ońtústik Jaryq» mekemesiniń apattyq brigadalary aqaýlardy joiý jumystaryn júrgizýde. Olardyń barlyǵy kúsheitilgen rejimge kóshirilip, úzdiksiz jumys júrgizýde. Aqaýlar joiylysymen abonentterge elektr energiiasy beriletin bolady – deidi Shymkent qalasy TJD qoǵammen bailanys tobynyń bas mamany Zaripa Turysbekova.
Al, joldardyń jaǵdaiyna jaýap beretin kommýnaldyq qyzmetter de kúsheitilgen jumys rejimine kóshirilgen. Qar tazalaý jumystaryna barlyǵy 95-ke jýyq tehnika men 500-ge jýyq jumysshy jumyldyryldy.
Al, «Ońtústik joldary» MKK kezekshi operatorynyń habarlaýynsha, búgin tańerteńnen beri «Qorǵas-Almaty-Taraz-Shymkent-Tashkent» respýblikalyq mańyzy bar avtojoldarynda qozǵalys jabyldy. Meteorologiialyq jaǵdailardyń nasharlaýyna bailanysty (nóldik kórý, boran, burqasyn, kóktaiǵaq) barlyq avtokólik túrleri úshin 593 km-den 654 km-ge deiin, Jambyl oblysynyń shekarasynan Túrkistan oblysynyń Mashat aýylyna deiin avtokólikterdiń qozǵalysy toqtatyldy.
