اۋا رايىنىڭ قولايسىزدىعىنا بايلانىستى شىمكەنتتٸڭ جٷزدەگەن تۇرعىنى جارىقسىز قالدى. ەلەكتر قۋاتى 23 باعىت بويىنشا اجىراتىلدى, دەپ حابارلايدى قازاقپارات.
قازٸرگٸ ۋاقىتتا قالا بويىنشا 16 اۆارييالىق بريگادا, 11 ارنايى تەحنيكا جۇمىس ٸستەۋدە.
- «وڭتٷستٸك جارىق» مەكەمەسٸنٸڭ اپاتتىق بريگادالارى اقاۋلاردى جويۋ جۇمىستارىن جٷرگٸزۋدە. ولاردىڭ بارلىعى كٷشەيتٸلگەن رەجيمگە كٶشٸرٸلٸپ, ٷزدٸكسٸز جۇمىس جٷرگٸزۋدە. اقاۋلار جويىلىسىمەن ابونەنتتەرگە ەلەكتر ەنەرگيياسى بەرٸلەتٸن بولادى – دەيدٸ شىمكەنت قالاسى تجد قوعاممەن بايلانىس توبىنىڭ باس مامانى زاريپا تۇرىسبەكوۆا.
ال, جولداردىڭ جاعدايىنا جاۋاپ بەرەتٸن كوممۋنالدىق قىزمەتتەر دە كٷشەيتٸلگەن جۇمىس رەجيمٸنە كٶشٸرٸلگەن. قار تازالاۋ جۇمىستارىنا بارلىعى 95-كە جۋىق تەحنيكا مەن 500-گە جۋىق جۇمىسشى جۇمىلدىرىلدى.
ال, «وڭتٷستٸك جولدارى» مكك كەزەكشٸ وپەراتورىنىڭ حابارلاۋىنشا, بٷگٸن تاڭەرتەڭنەن بەرٸ «قورعاس-الماتى-تاراز-شىمكەنت-تاشكەنت» رەسپۋبليكالىق ماڭىزى بار اۆتوجولدارىندا قوزعالىس جابىلدى. مەتەورولوگييالىق جاعدايلاردىڭ ناشارلاۋىنا بايلانىستى (نٶلدٸك كٶرۋ, بوران, بۇرقاسىن, كٶكتايعاق) بارلىق اۆتوكٶلٸك تٷرلەرٸ ٷشٸن 593 كم-دەن 654 كم-گە دەيٸن, جامبىل وبلىسىنىڭ شەكاراسىنان تٷركٸستان وبلىسىنىڭ ماشات اۋىلىنا دەيٸن اۆتوكٶلٸكتەردٸڭ قوزعالىسى توقتاتىلدى.
