Ánshi Janar Aijanovanyń qyzy, aktrisa ári bloger Aijuldyz Adaibekova ekinshi perzentiniń týǵan kúnin atap ótti. Onyń uly Sanat bir jasqa toldy, dep habarlaidy ult.kz.
Sanat 2025 jylǵy 10 qazanda dúniege kelgen. Aijuldyz ben jubaiy Sáken Qaǵarov sábige Sanat esimin qoiǵanyn sol kezde áleýmettik jelide habarlaǵan edi.
Aijuldyz ulynyń esimin tańdaýǵa erekshe mán bergenin aitqan. Ol anasy Janar men úlken uly Nazardyń, jubaiy Sáken men kishi uly Sanattyń esimderi ózara úilesetinin atap ótken.
Aita keteiik, Janar Aijanova úilený toiynda beriletin tortqa shúilikti.
Janar Aijanova kim?
Janar Aijanova - tanymal ánshi, aitysker jáne aktrisa. Ol 1968 jylǵy 6 aqpanda Aqtóbe oblysy Shalqar aýdanynyń Tumalykól aýylynda dúniege kelgen.
1995 jyly Abai atyndaǵy Qazaq ulttyq pedagogikalyq ýniversitetiniń mýzyka fakýltetin bitirgen. Óner jolynda Súiinbai atyndaǵy Almaty oblystyq filarmoniiasynda jáne “Adyrna” folklorlyq-etnografiialyq ansamblinde eńbek etken. Ánshilikpen qatar kino men telehikaialarǵa túsip, aktrisa retinde de tanyldy.
Janar Aijanova — aktrisa ári bloger Aijuldyz Adaibekovanyń anasy. Qyzynyń Nazar jáne Sanat esimdi eki uly bar. Ánshi nemereleri týraly áleýmettik jelide jii aityp, otbasyndaǵy qýanyshtarymen bólisedi.
