Premer-ministrdiń orynbasary – ulttyq ekonomika ministri Serik Jumanǵarin Úkimet otyrysynda osy jyldyń 9 aiyndaǵy áleýmettik-ekonomikalyq damý týraly baiandady. Onyń derekteri boiynsha ósim shikizatqa qatysty emes sektor esebinen qamtamasyz etildi, baǵalaý boiynsha 5,4%-ǵa ósti, dep habarlaidy ult.kz.
«Qazaqstan ekonomikasy ósýin jalǵastyrýda jáne oń dinamikany kórsetýde. Osy jyldyń toǵyz aiynyń qorytyndysy boiynsha ekonomikanyń ósýi 4,2%-dy qurady. Ekonomikanyń ósýi shikizatqa qatysty emes sektor esebinen qamtamasyz etildi, ol baǵalaý boiynsha 5,4%-ǵa ósti. Salalar arasynda qurylys, óńdeý ónerkásibi, kólik qyzmetteri jáne saýda eń joǵary qarqyn kórsetýde. Osy salalardyń jalpy ishki ónimniń ósýine qosqan jiyntyq úlesi 75%-dan asady», — dep atap ótti vitse-premer.
Serik Jumanǵarin ekonomikany kezeń-kezeńimen ártaraptandyrýdyń nátijesinde 2025 jyldyń qorytyndysy boiynsha jalpy ishki ónim qurylymyndaǵy munai óndirý úlesi 7,8%-ǵa deiin qysqarǵanyn atap ótti. Osy jylǵy birinshi jartyjyldyqtyń qorytyndysy boiynsha óńdeý ónerkásibiniń úlesi 14,1%-ǵa deiin ulǵaidy, al taý-ken óndirý ónerkásibiniń úlesi 12,4%-dy qurady.
