Shymkent qalalyq «Nur Otan» partiiasy filialynyń kezekten tys konferentsiiasy ótip, onda máslihattyń partiialyq tizimi ázirlendi, Parlament Májilisiniń partiialyq tizimine úmitkerler anyqtaldy. Bul týraly partiianyń baspasóz qyzmeti habarlady.
Sonymen qatar, qalalyq sailaýaldy baǵdarlamasy da bekitilip, partiianyń HH sezine qatysýǵa delegattar sailandy.
Taldaý kórsetkendei, tizimdegi áielderdiń úles sany 3 ese artty - 11-den 30% -ke deiin, al 35 jasqa deiingi jastar - 0-den 20% -ǵa deiin ósken . Úmitkerlerdiń ortasha jasy 49-dan 44 jasqa deiin tómendedi. Qyzmettegi depýtattardyń ishinen 8 adam ǵana jańa tizimge engizilgen.
Tizimdegilerdiń kópshiligi - shaǵyn jáne orta biznes ókilderi - 30%, bilim salasy - 17%, úkimettik emes uiymdar - 12% jáne t.b.
Konferentsiia barysynda Májilistegi partiialyq tizimge úmitkerler arasynda pikirsaiystar ótti. 8 úmitkerdiń ishinen partiialyqtar «Praimeriz» aqparattyq júiesi arqyly qalalyq ókildik kvotasyna sáikes 4 úmitkerdi tańdady.
Parlamenttiń tómengi palatasynyń qyzmettegi depýtaty Berik Ospanov, qalalyq máslihattyń hatshysy Ǵani Tashqaraev, kásipodaq tóraǵasy Berik Bekjanov jáne mektep-internat direktory Jadyra Tańatarova eń kóp daýys jinady.
Filial tóraǵasy, qala ákimi Murat Áitenovtiń aitýynsha, praimeriz kezinde turǵyndardan túsken 685 usynystyń 98% Shymkent qalasynyń sailaýaldy baǵdarlamasynda kórinis tapty.
«Halyqtyń negizgi máselelerin eskere otyryp, biz qalanyń ekonomikalyq jáne áleýmettik damýyna qajetti 10 basymdyqty belgiledik. Qala turǵyndarynyń qoldaýymen baǵdarlamanyń tolyq júzege asatynyna senimdimin», - dedi ol.
Eske sala keteiik, budan buryn «Nur Otan» partiiasy aimaqtyq filialdardyń konferentsiialar kestesin jariialaǵan bolatyn, onyń barysynda barlyq deńgeidegi máslihattarǵa jáne ár óńirden Májilistiń partiialyq tizimine úmitkerler anyqtalatyn bolady.
Sonymen, 11 qarashada Almaty qalasynda, 12 qarashada Nur-Sultan qalasynda, 16 qarashada Almaty, Qaraǵandy jáne Qyzylorda oblystarynda, 17 qarashada Aqmola, Shyǵys Qazaqstan, Jambyl, Batys Qazaqstan, Túrkistan, Atyraý, Qostanai, Mańǵystaý, Pavlodar jáne Soltústik Qazaqstan oblystarynda konferentsiia ótedi.
Qalalyq jáne oblystyq konferentsiialardaǵy úmitkerler arasyndaǵy debattar ekinshi deńgeidegi praimeriz sheńberinde ótip jatqanyn atap ótken jón.
Partiialyq ishki irikteýdiń birinshi kezeńine 10 myń kandidat qatysty. Onyń 37% - áielder, 29% - 35 jasqa deiingi jastar. Eger bastaýysh partiia uiymdarynan kandidattardyń 30%- usynylǵan bolsa, 70% ózin-ózi usynǵandar. Kandidattardyń ortasha jasy 43 jasty qurady. Sonymen birge 662 myńnan astam partiia múshesi daýys berýge qatysty.
.jpeg)