Ózine qol jumsamaq bolǵan Shymkent politsiiasynyń baspasóz hatshysy Móldir Bekeevaǵa qatysty sotaldy tergeý toqtatyldy. Bul týraly qalalyq Politsiia departamenti habarlady, - dep habarlaidy Tengrinews.kz.
Móldir Bekeevaǵa Shymkent qalalyq PD jedel basqarý ortalyǵy qyzmetkerin balaǵattap, daýys kóterdi degen aiyp taǵylǵan. Onyń ústinen "Bilik ókilin qorlaý" baby boiynsha qylmystyq is qozǵalǵan edi. Alaida qazir politsiia bul is durys saralanbaǵanyn moiyndaǵan. Aita keteiik, Móldir Bekeeva osy qylmystyq isten keiin ózine qol jumsamaq bolǵany aitylǵan edi.
"Sotaldy tergep-tekserý barysynda JBO qyzmetkeri men onyń basshysy arasyndaǵy janjal Qylmystyq kodekstiń 131-baby "Qorlaý" boiynsha ekeni anyqtaldy. Osyǵan bailanysty sotaldy tergeý toqtatyldy. JBO qyzmetkerine azamattyq tártipte sotqa júginýge quqyǵy bar ekeni týraly túsinikteme berildi", - dedi Shymkent politsiiasy ókilderi.
