Búgin QR Premer-Ministri Asqar Maminniń tóraǵalyǵymen ótken Úkimet otyrysynda Elbasy tapsyrmasy boiynsha ázirlengen Shymkent qalasyn damytýdyń 2023 jylǵa deiingi Keshendi jospary qaraldy.
Shymkent qalasyn damytýdyń Keshendi josparynyń negizgi baǵyttary men is-sharalary týraly qala ákimi Ǵ. Ábdirahymov baiandady. Keshendi josparda 10 baǵyt boiynsha 89 is-sharany iske asyrý qarastyrylǵan.
«Biýdjetke júktemeni azaitý úshin jeke investitsiialar men memlekettik-jekeshelik áriptestikke barynsha nazar aýdaryldy. Máselen, eger Jospardy iske asyrý úshin 1 284 mlrd teńge qajet bolsa, onyń 836 mlrd teńgesi jeke investitsiialar esebinen iske asyrylady, 68,1 mlrd teńgesin memlekettik-jekeshelik áriptestik arqyly júzege asyrý kózdelgen», - dedi Shymkent qalasynyń ákimi.
«Turǵyn úi-kommýnaldyq sharýashylyq» blogynda 30 is-shara qarastyrylǵan. Qala halqyn jylýmen, elektr energiiasymen, gazben qamtamasyz etý úshin AGRS-3 jáne AGRS-6 elektr shaǵyn st natsiialaryn salý josparlanǵan.
«Kólik infraqurylymy» blogy boiynsha 11 is-sharany iske asyrý josparlanǵan, onda áýejai aýmaǵynda jańa jolaýshylar terminaly salý, avtomobil joldaryn salý men qaita jóndeý, sondai-aq Shymkent qalasyndaǵy ońtústik ainalma avtomobil jolyna josparlanǵan avtojol kópirin salý qamtylǵan.
«Turǵyn úi qurylysy» blogynda ákimshilik, iskerlik shaǵyn aýdandarda, «Shymkent siti», «Turan», Qoshqar ata ózeniniń boiynda kópqabatty turǵyn úiler salý kózdelgen. 2023 jylǵa deiin barlyq qarjylandyrý kózderi arqyly 319 kóp qabatty úi (20 794 páter nemese 2 109,3 myń m2) salý josparlanǵan. Bul shǵyn aýdandarǵa injenerlik jeliler tartylýda.
«Bilim berý» blogy boiynsha 23 500 oryndyq 15 mektepti salý qarastyrylǵan, bul 2023 jylǵa qarai úsh aýysymdyq mektepterdi joiýǵa múmkindik beredi. Sonymen qatar, jekemenshik mektepter sanyn arttyrý kózdelgen.
«Sport» blogy boiynsha dene shynyqtyrýmen jáne sportpen júieli ainalysatyn adamdardy qamtýdy 2023 j. qarai 30%-ǵa arttyrýy tiis úsh jobany iske asyrý josparlanǵan. Onyń biri - Qajymuqan Muńaitpasov atyndaǵy ortalyq stadion rekonstrýktsiiasy, ol UEFA jáne IAAF standarttaryna sai keletin bolady.
«Mádeniet» blogy boiynsha Kongress ortalyq pen «Tsitadel» mýzeiin salý boiynsha 2 iri is-shara júzege asyrylady.
Densaýlyq saqtaýdy damytý aiasynda jeke investitsiialar esebinen 1000 oryndyq kópbeiindi aýrýhanany saloý josparlanǵan. Biýdjet qarajaty esebinen 13 birinshi rettik meditsinalyq-sanitarlyq kómek ortalyǵy salynady.
«Abattandyrýdy damytý» blogy 4 is-sharany qamtidy: velosiped jáne jaiaý júrginshi jolyn salý, Shymkent siti turǵyn úi alabynda aýmaǵy 47 ga bolatyn saiabaq salý, qala aýmaǵynda jasyl kóshetter sany men jasyl jelekterdi kóbeitý.
Baiandamasyn qorytyndylaǵan Shymkent qalasynyń ákimi Keshendi jospardy iske asyrý qorytyndysy boiynsha 2023 jylǵa qarai JÓÓ 3,5 trln teńgeden asady dep kútilip otyrǵanyn aitty, ónerkásip kólemi eki esege ósip, 60 myńnan astam jumys oryndary qurylady.
Keshendi jospardyń qala men jalpy el ekonomikasy úshin áleýmettik-ekonomikalyq áseri týraly ulttyq ekonomika ministri R. Dálenov baiandady. Onyń aitýynsha, 2018 jyldyń qorytyndysy boiynsha qalanyń jalpy óńirlik ónim kólemi 2 trln teńgeni qurady. JIÓ respýblikalyq kólemindegi úles salmaǵy — 3,4%. Jan basyna shaqqandaǵy JÓÓ 2,1 mln teńgeni quraidy. Eńbek ónimdiligi — 4,4 mln teńgeden astam. Munai óńdeý zaýytyn jańǵyrtý men qaita jóndeýge investitsiialardy eskerýmen investitsiialar kólemi 588 mlrd teńgege jetti. Jergilikti ekonomika qurylymynda 26,5% - ónerkásipke, 58,4% — qyzmetterge tiesili, onyń ishinde 15,4% - saýda salasyna.
Shymkent qalasyn damytýdyń 2023 jylǵa deiingi Keshendi jospary qalaǵa jańa damý serpinin berýge baǵyttalady. 2023 jyldyń qorytyndysy boiynsha Jospardy júzege asyrý kelesi kórsetkishterge qol jetkizýdi qamtamasyz etedi:
-
ortalyqtandyrylǵan sýmen jabdyqtaýǵa qol jetkizýi 93%-dan 98%-ǵa deiin ósedi;
-
tabiǵi gazben qamtylýy 92%-dan 98%-ǵa deiin ósedi;
-
qanaǵattanarlyq jaǵdaidaǵy joldardyń úlesi 59,4%-ǵa deiin ulǵaiady.
Qyzmet kórsetý, ónerkásip, qurylys jáne saýda sektorlarynyń úlesin arttyrý kútiledi.
Bul kólemdi qamtamasyz etý úshin invstitsiialar deńgeii 2023 jyldyń qorytyndysy boiynsha JÓÓ 30%-na deiin nemese jylyna 10 trln teńgege deiin jetkiziledi. Bul 2018 jylǵy kórsetkishpen salystyrǵanda 1,8 ese kóp.
«Shymkenttiń ekonomikalyq áleýeti zor. Infraqurylymǵa, energetikaǵa, týrizmge jáne qyzmet kórsetý sektoryna birshama investitsiia salynady. Munyń bári jylyna 5,5%-ǵa óńirlik ekonomikanyń naqty ósimin qamtamasyz etedi. Bul respýblikalyq máninen joǵary (4,2%). Ekonomikalyq belsendilik turǵyndardyń ál-aýqatyn arttyrýdy qamtamasyz etedi», - dep túiindedi R. Dálenov.
.jpeg)