Shymkentte qalasy ákiminiń orynbasarlary Erbol Sadyr men Almasbek Mamytbekov qyzmetterinen bosatyldy. Bul týraly "Ult aqparat" ákimdikke silteme jasap habarlaidy.
Erbol Ábilhaiyruly 1973 jyly dúniege kelgen. Bilimi joǵary, mamandyǵy ekonomist. Eńbek jolyn 1994 jyldan Sozaq aýdandyq ortalyq aýrýhanasy bas dárigeriniń ekonomika jónindegi orynbasary bolyp bastaǵan. 1995-2009 jyldary Sozaq aýdany ákimshiligi ekonomika bóliminiń bas mamany, meńgerýshisi, ekonomika, shaǵyn jáne orta biznesti qoldaý, kásipkerlikti qoldaý jáne damytý jónindegi bólimderiniń meńgerýshisi, oblystyq kásipkerlikti qoldaý jónindegi basqarma basshysynyń orynbasary, oblystyq ekonomika jáne biýdjettik josparlaý basqarmasy investitsiialyq saiasat bóliminiń basshysy, Ońtústik Qazaqstan oblysy ekonomika jáne biýdjettik josparlaý basqarmasynyń basshysy qyzmetterin atqarǵan. 2013-2017 OQO ákiminiń orynbasary, keiinnen Túrkistan oblysy ákiminiń orynbasary bolǵan.
2019 jyldyń tamyz aiynan Shymkent qalasy ákiminiń orynbasary qyzmetin atqarǵan bolatyn.
Al, Almasbek Keńesbekuly 1969 jyly týǵan, bilimi joǵary, mamandyǵy boiynsha geografiia-biologiia pánderiniń oqytýshysy, ekonomika jáne biznes mamany. Eńbek jolyn 1994 jyly «Qazaqstan» jastar ortalyǵynyń menedjeri bolyp bastaǵan A.Mamytbekov 1994-2005 jyldar aralyǵynda Shymkent qalasynyń birqatar basqarmalarynda bas maman, bólim bastyǵy qyzmetterin atqarǵan.
Budan bólek, Ońtústik Qazaqstan oblysy ishki saiasat basqarmasynyń bastyǵy, Ońtústik Qazaqstan oblysy ákiminiń bas inspektory, «Nur Otan» partiiasy Ońtústik Qazaqstan oblysy filialy tóraǵasynyń birinshi orynbasary, OQO Ordabasy aýdanynyń ákimi jáne Túrkistan oblysy eńbek inspektsiiasy jónindegi basqarma basshysy – Túrkistan oblysynyń Bas memlekettik eńbek inspektory qyzmetterin atqarǵan.
2020 jyldyń aqpan aiynan Shymkent qalasy ákiminiń orynbasary qyzmetin atqarǵan.
