Avtobýsqa keshigip qalmaýy úshin Shymkent ákimi Ǵabidolla Ábdirahymov qoǵamdyq kólik artynan júgire qýdy. Bul týraly ol Otyrar.kz portalyna bergen suhbatynda aityp berdi.
Qala basshysy bir ai boiy qyzmettik kólikten bas tartty jáne onyń qolastyndaǵy qyzmetkerleri de solai isteidi. Al avtobýs ishinde ákim jolaýshylarmen sóilesip, tasymal sapasy týraly bilip, kondýktorǵa sáttilik tiledi.
"Maǵan qutty bilet tústi. Men avtobýsqa keshigip qala jazdadym. Aitpaqshy, men jetkenshe avtobýs kútip turdy. Kerek jerime turyp barǵanymdy esepke almasaq, avtobýs yńǵaily kórindi. Jastar kóp eken, ózimniń jastyq shaǵym esime tústi, romantika, eh", - deidi Ǵabidolla Ábdirahymov.
Ákim qalai bolǵanda da qalaǵa úlken avtobýstar keregin aitady.
"Bul máseleni qarastyramyz. Qala turǵyndarynyń tańnan bastap kóńildi ekeni unady. Jumysqa tez jettim, on minýttai, biraq, osy ýaqytta qanshama oi keldi deseńizshi! Tańnan beri kóńil-kúiim jaqsy, jumysqa ketip baramyn!"- dep atap ótti ákim.
"Baian-sulý" aialdamasyna jetken kezde ákimge avtobýstan túsip, óziniń artyndaǵy shyǵatyn adamdardy jiberýine týra kelgen. Al ózi jumysyna jaqyn "Garant" aialdamasynan túsken.
Eske salaiyq, 2017 jyldyń 16 qazanynda qala basshysy qala sheneýnikiterine bir ai qyzmettik kólikten bas tartý týraly jarlyq bergen. Bul bir aidyń alǵashqy aptasyn bólim basshylary tek qoǵamdyq kólikpen qatynaý kerek.
