Shymkent qalasynyń ákimi Nurlan Saýranbaev qazaq tiline qatysty ózin synap júrgenderge jaýap berdi, dep habarlaidy "Ult aqparat" rgmedia.kz-ke silteme jasap.
Búgin Shymkent qalasynyń ákimi Nurlan Saýranbaev halyq aldynda esepti kezdesýin ótkizdi.
Kezdesýde eks-májilismen, kezinde ońtústikte iri qyzmetter atqarǵan Shalatai Myrzahmetov til máselesin kóterdi. Esterińizde bolsa, qala ákimi Ál-Farabi aýdany ákimine tek memlekettik tilde baiandama jasaǵany úshin usynys túrde eskertý jasap edi. Mine, bul jait Qaznette qyzý talqyǵa tústi. Osyny nazarǵa alǵan eks-májilismen:
"Osy shekteý qoiǵan kezde Elbasynyń til týraly saiasatyn tolyqqandy qoldap jatyrmyn dep oilaisyz ba? Siz basqaryp otyrǵan qalanyń 80-90 paiyzy ómirde memlekettik tildi paidalanady. Bul shekteýińiz kópke topyraq shashý emes pe? Eger BAQ durys jazbaǵan bolsa, olardy keshirim surap, qaitadan qate habarlandyrý boldy dep jazýǵa áreket jasadyńyz ba?", – dep ákimnen atalǵan suraqtarǵa jaýap berýdi surady. Qala turǵyndarynyń suraǵyna birden jaýap berýdi jón dep tapqan Nurlan Ermekuly suraq ielerine jazbasha túrde naqty jaýap beriletinin aityp, Shalatai Myrahmetovtyń suraǵyna jeke toqtalyp ótti.
"Birinshi, Qairat Rysqulbekovatyń sózi. "Qairat degen atym bar, qazaq degen zatym bar, erkek toqty qurbandyq, atam deseń atyńdar!" Ekinshi, Rasýl Gamzatovtyń sózi bar: "Eger meniń tilim erteń joiylatyn bolsa, men búgin ólýge daiarmyn" degen. Bul jerde men sizge kómekshi bolamyn, aǵa. Birge jumys isteiik", — dep jaýap berdi.
Bir aita keterligi, qala ákimi bul kezdesýde memlekettik tilge basymdyq berdi.
