شىمكەنت قالاسىنىڭ ەكٸمٸ نۇرلان ساۋرانباەۆ قازاق تٸلٸنە قاتىستى ٶزٸن سىناپ جٷرگەندەرگە جاۋاپ بەردٸ, دەپ حابارلايدى "ۇلت اقپارات" rgmedia.kz-كە سٸلتەمە جاساپ.
بٷگٸن شىمكەنت قالاسىنىڭ ەكٸمٸ نۇرلان ساۋرانباەۆ حالىق الدىندا ەسەپتٸ كەزدەسۋٸن ٶتكٸزدٸ.
كەزدەسۋدە ەكس-مەجٸلٸسمەن, كەزٸندە وڭتٷستٸكتە ٸرٸ قىزمەتتەر اتقارعان شالاتاي مىرزاحمەتوۆ تٸل مەسەلەسٸن كٶتەردٸ. ەستەرٸڭٸزدە بولسا, قالا ەكٸمٸ ەل-فارابي اۋدانى ەكٸمٸنە تەك مەملەكەتتٸك تٸلدە بايانداما جاساعانى ٷشٸن ۇسىنىس تٷردە ەسكەرتۋ جاساپ ەدٸ. مٸنە, بۇل جايت قازنەتتە قىزۋ تالقىعا تٷستٸ. وسىنى نازارعا العان ەكس-مەجٸلٸسمەن:
"وسى شەكتەۋ قويعان كەزدە ەلباسىنىڭ تٸل تۋرالى ساياساتىن تولىققاندى قولداپ جاتىرمىن دەپ ويلايسىز با? سٸز باسقارىپ وتىرعان قالانىڭ 80-90 پايىزى ٶمٸردە مەملەكەتتٸك تٸلدٸ پايدالانادى. بۇل شەكتەۋٸڭٸز كٶپكە توپىراق شاشۋ ەمەس پە? ەگەر باق دۇرىس جازباعان بولسا, ولاردى كەشٸرٸم سۇراپ, قايتادان قاتە حابارلاندىرۋ بولدى دەپ جازۋعا ەرەكەت جاسادىڭىز با?", – دەپ ەكٸمنەن اتالعان سۇراقتارعا جاۋاپ بەرۋدٸ سۇرادى. قالا تۇرعىندارىنىڭ سۇراعىنا بٸردەن جاۋاپ بەرۋدٸ جٶن دەپ تاپقان نۇرلان ەرمەكۇلى سۇراق يەلەرٸنە جازباشا تٷردە ناقتى جاۋاپ بەرٸلەتٸنٸن ايتىپ, شالاتاي مىراحمەتوۆتىڭ سۇراعىنا جەكە توقتالىپ ٶتتٸ.
"بٸرٸنشٸ, قايرات رىسقۇلبەكوۆاتىڭ سٶزٸ. "قايرات دەگەن اتىم بار, قازاق دەگەن زاتىم بار, ەركەك توقتى قۇرباندىق, اتام دەسەڭ اتىڭدار!" ەكٸنشٸ, راسۋل گامزاتوۆتىڭ سٶزٸ بار: "ەگەر مەنٸڭ تٸلٸم ەرتەڭ جويىلاتىن بولسا, مەن بٷگٸن ٶلۋگە دايارمىن" دەگەن. بۇل جەردە مەن سٸزگە كٶمەكشٸ بولامىن, اعا. بٸرگە جۇمىس ٸستەيٸك", — دەپ جاۋاپ بەردٸ.
بٸر ايتا كەتەرلٸگٸ, قالا ەكٸمٸ بۇل كەزدەسۋدە مەملەكەتتٸك تٸلگە باسىمدىق بەردٸ.
