Shymkentte koronavirýsqa qarsy «Spýtnik V» ekpesimen erikti túrde vaktsinalaý naýqany bastaldy, – dep habarlaidy qala ákimdiginiń baspasóz qyzmeti.
Shaharǵa koronavirýsqa qarsy vaktsinanyń 1000 dozasy jetkizildi.
«Shymkent qalasynyń ákimi Murat Áitenov qalada vaktsina qabyldaǵan alǵashqylardyń biri boldy. Ol №3 emhanaǵa baryp, ekpe aldynda dárigerge tekserildi. Qarsy kórsetkishter anyqtalmaǵandyqtan, erikti túrde vaktsina saldyrdy. Qazirgi tańda densaýlyq jaǵdaiy jaqsy», - dedi ákimdikten.
«Spýtnik-V» vaktsinasynyń 1000 dozasy qalalyq Qan ortalyǵyndaǵy muzdatqysh kameralarda ýaqytsha saqtaý úshin ornalastyrylyp, búgin tańǵy saǵat altyda tórt emhanaǵa jetkizildi. Egý jumystaryn júrgizý úshin qaladaǵy emhanalardyń bazasynda 4 vaktsinatsiia kabineti uiymdastyrylyp, vaktsinalardy saqtaýǵa arnalǵan muzdatqyshtar ornatyldy.
Málim etilgendei, meditsina qyzmetkerlerine erikti túrde vaktsina egý úshin tizim qalyptastyrylǵan. Sonymen qatar, barlyq meditsina qyzmetkerleri úshin vaktsinatsiia boiynsha seminar-trenigter ótkizilgen.
Aita keteiik, vaktsinalaýǵa qarsy kórsetkishteri joq adamdar jiberiledi. Vaktsinatsiia aldynda dáriger egýge kelgen adamdy mindetti túrde tekseredi.
«Vaktsinatsiia koronavirýstyń odan ári taralýyna jol bermeý jáne qatań lokdaýn engizbeýdiń jalǵyz balamasy», - dedi Shymkent qalasy ákimdiginiń baspasóz qyzmetinen.
