QR Densaýlyq saqtaý ministri Eljan Birtanovtyń COVID 19 virýsyn juqtyrǵany málim bolǵannan keiin, Shymkent qalasynyń ákimi Murat Áitenov qaýipti virýsqa test tapsyrǵan, - dep habarlaidy qala ákimdiginiń baspasóz qyzmeti.
Qala ákimdigi baspasóz qyzmetiniń málimetinshe, Eljan Birtanov 10 maýsym kúni Shymkent qalasynda qurylysy aiaqtalǵan infektsiialyq gospital ǵimaratymen arnaiy tanysýǵa kelgen bolatyn. Ministrdiń COVID 19 virýsyn juqtyrǵanyn bilgen soń, Shymkenttiń ákimi taǵy test tapsyrǵan.
«Sońǵy ret keshe, jeksenbide tapsyrǵan test nátijesi teris bolyp shyqty. Soǵan qaramastan Murat Áitenov adamdar kóp shoǵyrlanatyn jerge shyqpai, óz kabinetinde qashyqtan jumysyn jalǵastyrýda. Al jiyndardy onlain rejimde ótkizip otyr. Iaǵni, saqtyq sharalary óz deńgeiinde saqtalýda. Jalpy, Murat Dúisenbekuly turaqty túrde aptasyna bir-eki ret COVID 19 virýsyna test tapsyryp turady. Búginde onyń densaýlyǵyna tóngen qaýip joq», delingen habarlamada.
