قر دەنساۋلىق ساقتاۋ مينيسترٸ ەلجان بٸرتانوۆتىڭ COVID 19 ۆيرۋسىن جۇقتىرعانى مەلٸم بولعاننان كەيٸن, شىمكەنت قالاسىنىڭ ەكٸمٸ مۇرات ەيتەنوۆ قاۋٸپتٸ ۆيرۋسقا تەست تاپسىرعان, - دەپ حابارلايدى قالا ەكٸمدٸگٸنٸڭ باسپاسٶز قىزمەتٸ.
قالا ەكٸمدٸگٸ باسپاسٶز قىزمەتٸنٸڭ مەلٸمەتٸنشە, ەلجان بٸرتانوۆ 10 ماۋسىم كٷنٸ شىمكەنت قالاسىندا قۇرىلىسى اياقتالعان ينفەكتسييالىق گوسپيتال عيماراتىمەن ارنايى تانىسۋعا كەلگەن بولاتىن. مينيستردٸڭ COVID 19 ۆيرۋسىن جۇقتىرعانىن بٸلگەن سوڭ, شىمكەنتتٸڭ ەكٸمٸ تاعى تەست تاپسىرعان.
«سوڭعى رەت كەشە, جەكسەنبٸدە تاپسىرعان تەست نەتيجەسٸ تەرٸس بولىپ شىقتى. سوعان قاراماستان مۇرات ەيتەنوۆ ادامدار كٶپ شوعىرلاناتىن جەرگە شىقپاي, ٶز كابينەتٸندە قاشىقتان جۇمىسىن جالعاستىرۋدا. ال جيىنداردى ونلاين رەجيمدە ٶتكٸزٸپ وتىر. ياعني, ساقتىق شارالارى ٶز دەڭگەيٸندە ساقتالۋدا. جالپى, مۇرات دٷيسەنبەكۇلى تۇراقتى تٷردە اپتاسىنا بٸر-ەكٸ رەت COVID 19 ۆيرۋسىنا تەست تاپسىرىپ تۇرادى. بٷگٸندە ونىڭ دەنساۋلىعىنا تٶنگەن قاۋٸپ جوق», دەلٸنگەن حابارلامادا.
