Shymkent qalasynda «Bizdiń jumysymyzdy baǵalańyz» aktsiiasy uiymdastyryldy, dep habarlaidy "Ult aqparat" qala ákiminiń baspasóz qyzmetine silteme jasap.
Osylaisha, el aýmaǵyndaǵy úshinshi megapolistiń ákimdigi árbir sala jumysyndaǵy eń ózekti máselelerdi anyqtaýdy qolǵa aldy. Saýalnama qorytyndysy boiynsha, jol kartasy, iaǵni, azamattardyń ótinishteri boiynsha túitkildi máselelerdi sheshýge baǵyttalǵan ákimdik áreketiniń jospary daiyndalmaq.
Saýalnama nátijesi boiynsha, shaǵymnyń basym kópshiligi qoǵamdyq kóliktiń jumysy men avtojoldardyń sapasyna qatysty bolǵan. Oǵan qatysty 2074 azamat pikir bildiripti. Azamattar jolaýshylar kóliginiń jetispeýshiligin, qyzmet kórsetý sapasynyń tómendigin aityp shaǵymdanǵan. Taǵy bir ózekti másele retinde, jol qaltashalary men pavilondardyń azdyǵy synǵa alynǵan. Turǵyndar sonymen qatar, nazardan tys qalyp qoiǵan keibir qala kóshelerine qiyrshyq tas nemese asfalt tóseýdi surady.
Saýalnama qorytyndysynda, ekinshi oryn - turǵyn úi-kommýnaldyq sharýashylyq salasyna qatysty boldy.
Atalmysh sala boiynsha 1995 shaǵym túsipti. Qala turǵyndarynyń negizgi saýaldary kommýnaldyq járdemaqylardyń joqtyǵyna, sondai-aq, aýla aýmaqtaryn abattandyrýǵa jáne qoqystardy joiýǵa qatysty boldy.
Úshinshi orynda - jergilikti politsiia qyzmeti. Bul sala boiynsha 1328 shaǵym tirkelgen. Azamattar politsiia qyzmetkerleri ózderiniń tikelei mindetterin oryndamaitynyn jáne qyzmet sapasynyń nashar ekenin atap ótken.
Qala turǵyndaryn jer qatynastary salasynyń máseleleri de alańdatady. Bul salada 180 azamat jer telimderin bólý jáne olardy odan ári zańdastyrýǵa bailanysty, sondai-aq memleket muqtajdyǵyna alynǵan jer telimderine beriletin ótemaqy somasynyń tym tómendigin ótkir synǵa alǵan.
Mektepter men balabaqsha ǵimarattarynyń qurylysy da ózekti máseleler qatarynda. Bul sala boiynsha 218 shaǵym qabyldanǵan. Qalanyń emhanalary men aýrýhanalarynda kórsetiletin qyzmet sapasy da osy kórsetkishke jeteqabyl.
Aita keteiik, saýalnama barysynda barlyǵy 10 myńǵa jýyq shaǵym qabyldanǵan. Saýalnama offlain rejimde de, onlain júiesinde de júrgizildi. Aktsiianyń merzimi 4 tamyzǵa deiin, iaǵni, shekteýli bolsa da, azamattardyń saýaldary men shaǵymdaryn qabyldaý munan ári de ákimdiktiń áleýmettik jelilerinde jalǵasyn tabady.
