شىمكەنت قالاسىندا «بٸزدٸڭ جۇمىسىمىزدى باعالاڭىز» اكتسيياسى ۇيىمداستىرىلدى, دەپ حابارلايدى "ۇلت اقپارات" قالا ەكٸمٸنٸڭ باسپاسٶز قىزمەتٸنە سٸلتەمە جاساپ.
وسىلايشا, ەل اۋماعىنداعى ٷشٸنشٸ مەگاپوليستٸڭ ەكٸمدٸگٸ ەربٸر سالا جۇمىسىنداعى ەڭ ٶزەكتٸ مەسەلەلەردٸ انىقتاۋدى قولعا الدى. ساۋالناما قورىتىندىسى بويىنشا, جول كارتاسى, ياعني, ازاماتتاردىڭ ٶتٸنٸشتەرٸ بويىنشا تٷيتكٸلدٸ مەسەلەلەردٸ شەشۋگە باعىتتالعان ەكٸمدٸك ەرەكەتٸنٸڭ جوسپارى دايىندالماق.
ساۋالناما نەتيجەسٸ بويىنشا, شاعىمنىڭ باسىم كٶپشٸلٸگٸ قوعامدىق كٶلٸكتٸڭ جۇمىسى مەن اۆتوجولداردىڭ ساپاسىنا قاتىستى بولعان. وعان قاتىستى 2074 ازامات پٸكٸر بٸلدٸرٸپتٸ. ازاماتتار جولاۋشىلار كٶلٸگٸنٸڭ جەتٸسپەۋشٸلٸگٸن, قىزمەت كٶرسەتۋ ساپاسىنىڭ تٶمەندٸگٸن ايتىپ شاعىمدانعان. تاعى بٸر ٶزەكتٸ مەسەلە رەتٸندە, جول قالتاشالارى مەن پاۆيلونداردىڭ ازدىعى سىنعا الىنعان. تۇرعىندار سونىمەن قاتار, نازاردان تىس قالىپ قويعان كەيبٸر قالا كٶشەلەرٸنە قيىرشىق تاس نەمەسە اسفالت تٶسەۋدٸ سۇرادى.
ساۋالناما قورىتىندىسىندا, ەكٸنشٸ ورىن - تۇرعىن ٷي-كوممۋنالدىق شارۋاشىلىق سالاسىنا قاتىستى بولدى.
اتالمىش سالا بويىنشا 1995 شاعىم تٷسٸپتٸ. قالا تۇرعىندارىنىڭ نەگٸزگٸ ساۋالدارى كوممۋنالدىق جەردەماقىلاردىڭ جوقتىعىنا, سونداي-اق, اۋلا اۋماقتارىن اباتتاندىرۋعا جەنە قوقىستاردى جويۋعا قاتىستى بولدى.
ٷشٸنشٸ ورىندا - جەرگٸلٸكتٸ پوليتسييا قىزمەتٸ. بۇل سالا بويىنشا 1328 شاعىم تٸركەلگەن. ازاماتتار پوليتسييا قىزمەتكەرلەرٸ ٶزدەرٸنٸڭ تٸكەلەي مٸندەتتەرٸن ورىندامايتىنىن جەنە قىزمەت ساپاسىنىڭ ناشار ەكەنٸن اتاپ ٶتكەن.
قالا تۇرعىندارىن جەر قاتىناستارى سالاسىنىڭ مەسەلەلەرٸ دە الاڭداتادى. بۇل سالادا 180 ازامات جەر تەلٸمدەرٸن بٶلۋ جەنە ولاردى ودان ەرٸ زاڭداستىرۋعا بايلانىستى, سونداي-اق مەملەكەت مۇقتاجدىعىنا الىنعان جەر تەلٸمدەرٸنە بەرٸلەتٸن ٶتەماقى سوماسىنىڭ تىم تٶمەندٸگٸن ٶتكٸر سىنعا العان.
مەكتەپتەر مەن بالاباقشا عيماراتتارىنىڭ قۇرىلىسى دا ٶزەكتٸ مەسەلەلەر قاتارىندا. بۇل سالا بويىنشا 218 شاعىم قابىلدانعان. قالانىڭ ەمحانالارى مەن اۋرۋحانالارىندا كٶرسەتٸلەتٸن قىزمەت ساپاسى دا وسى كٶرسەتكٸشكە جەتەقابىل.
ايتا كەتەيٸك, ساۋالناما بارىسىندا بارلىعى 10 مىڭعا جۋىق شاعىم قابىلدانعان. ساۋالناما وففلاين رەجيمدە دە, ونلاين جٷيەسٸندە دە جٷرگٸزٸلدٸ. اكتسييانىڭ مەرزٸمٸ 4 تامىزعا دەيٸن, ياعني, شەكتەۋلٸ بولسا دا, ازاماتتاردىڭ ساۋالدارى مەن شاعىمدارىن قابىلداۋ مۇنان ەرٸ دە ەكٸمدٸكتٸڭ ەلەۋمەتتٸك جەلٸلەرٸندە جالعاسىن تابادى.
