Almatynyń Shymbulaq týristik aýmaǵynan joǵary tusta qar kóshkini júrip, bir adam mert boldy, dep habarlaidy QazAqparat.
«Shymbulaq» taý shańǵy kýrortynyń málimetinshe, 10 naýryz kúni taýda shańǵy teýip júrgen demalýshy qar kóshkini túsiretin quralmen soqtyǵysyp, kóshkin astynda qaldy.
«Tańǵy saǵat 10:58-de kýrorttyń qutqarýshylaryna Kombi-2 tireginiń 8-den joǵary aimaǵynda qar kóshkini bolǵany týraly aqparat tústi. Oqiǵa ornyna saǵat 11:02-de jetken qutqarýshylar er adamnyń denesin tapty. Belgili bolǵandai, ol ruqsat etilgen aimaqtan shyǵyp ketken. Saǵat 11:25-te meditsinalyq pýnktke jetkizildi, mamandar onyń qaitys bolǵanyn anyqtady», - dep habarlady «Shymbulaq» taý shańǵy kýrortynyń baspasóz qyzmeti.
Kýrort ákimshiligi er adamnyń týystary men jaqyndaryna qaiǵylaryna ortaqtasyp, kóńil aitty.
Qazirgi ýaqytta aspaly joldyń (Kombi-2) jumysy toqtatyldy.
Túsken qar massasynyń kólemi anyqtalyp jatyr.
Oqiǵa ornyna Almaty qalalyq TJD-nyń 1 mamany men 1 tehnikasy, respýblikalyq jedel-qutqarý jasaǵynyń bir tehnikasy men 8 qyzmetkeri jumyldyryldy.
