الماتىنىڭ شىمبۇلاق تۋريستٸك اۋماعىنان جوعارى تۇستا قار كٶشكٸنٸ جٷرٸپ, بٸر ادام مەرت بولدى, دەپ حابارلايدى قازاقپارات.
«شىمبۇلاق» تاۋ شاڭعى كۋرورتىنىڭ مەلٸمەتٸنشە, 10 ناۋرىز كٷنٸ تاۋدا شاڭعى تەۋٸپ جٷرگەن دەمالۋشى قار كٶشكٸنٸ تٷسٸرەتٸن قۇرالمەن سوقتىعىسىپ, كٶشكٸن استىندا قالدى.
«تاڭعى ساعات 10:58-دە كۋرورتتىڭ قۇتقارۋشىلارىنا كومبي-2 تٸرەگٸنٸڭ 8-دەن جوعارى ايماعىندا قار كٶشكٸنٸ بولعانى تۋرالى اقپارات تٷستٸ. وقيعا ورنىنا ساعات 11:02-دە جەتكەن قۇتقارۋشىلار ەر ادامنىڭ دەنەسٸن تاپتى. بەلگٸلٸ بولعانداي, ول رۇقسات ەتٸلگەن ايماقتان شىعىپ كەتكەن. ساعات 11:25-تە مەديتسينالىق پۋنكتكە جەتكٸزٸلدٸ, ماماندار ونىڭ قايتىس بولعانىن انىقتادى», - دەپ حابارلادى «شىمبۇلاق» تاۋ شاڭعى كۋرورتىنىڭ باسپاسٶز قىزمەتٸ.
كۋرورت ەكٸمشٸلٸگٸ ەر ادامنىڭ تۋىستارى مەن جاقىندارىنا قايعىلارىنا ورتاقتاسىپ, كٶڭٸل ايتتى.
قازٸرگٸ ۋاقىتتا اسپالى جولدىڭ (كومبي-2) جۇمىسى توقتاتىلدى.
تٷسكەن قار ماسساسىنىڭ كٶلەمٸ انىقتالىپ جاتىر.
وقيعا ورنىنا الماتى قالالىق تجد-نىڭ 1 مامانى مەن 1 تەحنيكاسى, رەسپۋبليكالىق جەدەل-قۇتقارۋ جاساعىنىڭ بٸر تەحنيكاسى مەن 8 قىزمەتكەرٸ جۇمىلدىرىلدى.
