Shyǵys Qazaqstan oblysynyń Zyrian aýdanyna sary qar jaýdy. Jergilikti turǵyndar áleýmettik jelide qardyń sýretin jariialady. Keibireýler buǵan kommýnaldyq qyzmetterdiń kóshege sebetin tuz ben qum aralas qospasy sebep bolýy múmkin ekenin aityp jatyr.
"Biz mundai qospa jasamaimyz, onyń ústine sary qar qalaǵa ǵana emes, taiaý mańdaǵy aýyldarǵa da jaýdy", — deidi kommýnaldyq kásiporynnyń direktory Sergei Smirnov.
"Ýstinka LIVE" portalynyń málimetinshe, qoǵamdyq densaýlyqty saqtaý basqarmasynyń mamandary qardyń nelikten sary túske boialǵanyn oblys ortalyǵyndaǵy zerthanada anyqtaýǵa bolatynyn aitqan.
Ótken jumada sary tústi qar Reseidiń Sochi qalasyna jaýdy. Mamandar muny soltústik Afrikadaǵy shańdy daýylmen bailanystyrdy. Qum tústes qar Ýkrainanyń Izmail qalasyna da jaýǵan.
Qazaqstandaǵy erekshe qardyń osy jaǵdailarmen bailanys bar-joǵy ázirge belgisiz.
