Shyǵys Qazaqstanǵa Reseiden gaz tartý máselesi qarastyrylyp jatyr. Bul týraly búgin Úkimet otyrysynda QR Energetika ministri Nurlan Noǵaev aitty, dep habarlaidy "Ult aqparat".
«Soltústik óńirlerden basqa Qazaqstannyń shyǵys bóligi gazdandyrylmaǵan. Gazdandyrýdyń yqtimal nusqasy «Barnaýl – Rýbtsovsk – Semei – Óskemen» baǵyty boiynsha Resei Federatsiiasynan gaz qubyryn salý bolyp sanalady. Bul rette Semei mańynda Pavlodar oblysyna qarai burý boljanady», - dedi ministr.
Onyń aitýynsha, atalǵan baǵyt boiynsha gaz qubyryn salý osy óńirlerdegi 2,1 mln adamǵa kógildir otyn jetkizýge múmkindik beredi.
Tutyný kólemi jylyna 2,3 mlrd tekshe metr deńgeiinde dep boljanǵan.
«Qazirgi tańda bul jobany júzege asyrý múmkindigin anyqtaý úshin «QazTransGaz» AQ men «Gazprom» arasynda jumys toby qurylyp, bul másele Resei tarapymen pysyqtalýda», - dedi Nurlan Noǵaev.
