شىعىس قازاقستانعا رەسەيدەن گاز تارتۋ مەسەلەسٸ قاراستىرىلىپ جاتىر. بۇل تۋرالى بٷگٸن ٷكٸمەت وتىرىسىندا قر ەنەرگەتيكا مينيسترٸ نۇرلان نوعاەۆ ايتتى, دەپ حابارلايدى "ۇلت اقپارات".
«سولتٷستٸك ٶڭٸرلەردەن باسقا قازاقستاننىڭ شىعىس بٶلٸگٸ گازداندىرىلماعان. گازداندىرۋدىڭ ىقتيمال نۇسقاسى «بارناۋل – رۋبتسوۆسك – سەمەي – ٶسكەمەن» باعىتى بويىنشا رەسەي فەدەراتسيياسىنان گاز قۇبىرىن سالۋ بولىپ سانالادى. بۇل رەتتە سەمەي ماڭىندا پاۆلودار وبلىسىنا قاراي بۇرۋ بولجانادى», - دەدٸ مينيستر.
ونىڭ ايتۋىنشا, اتالعان باعىت بويىنشا گاز قۇبىرىن سالۋ وسى ٶڭٸرلەردەگٸ 2,1 ملن ادامعا كٶگٸلدٸر وتىن جەتكٸزۋگە مٷمكٸندٸك بەرەدٸ.
تۇتىنۋ كٶلەمٸ جىلىنا 2,3 ملرد تەكشە مەتر دەڭگەيٸندە دەپ بولجانعان.
«قازٸرگٸ تاڭدا بۇل جوبانى جٷزەگە اسىرۋ مٷمكٸندٸگٸن انىقتاۋ ٷشٸن «قازترانسگاز» اق مەن «گازپروم» اراسىندا جۇمىس توبى قۇرىلىپ, بۇل مەسەلە رەسەي تاراپىمەن پىسىقتالۋدا», - دەدٸ نۇرلان نوعاەۆ.
