Shyǵys Qazaqstandaǵy sý tasqyny jaqyn kúnderi qaitalanýy múmkin. Bul týraly ishki ister ministriniń orynbasary Iýrii Ilin málimdedi, - dep habarlaidy Tengrinews.kz tilshisi.
"Daýyldy eskertýdi aldyq, atqarýshy organdar men turǵyndarǵa habarlap otyrmyz. Jaqyn kúnderi bul aýmaqtarda sý deńgeii taǵy da kóterilýi múmkin", - dedi Ilin úkimet otyrysynyń úzilisinde.
"Búgin túnde jaǵdai durystaldy. Qazir Aiagózde jaýyn-shashynnyń mol túsýinen paida bolǵan aǵyndar ketti. Balqash mańyndaǵy eldi mekenderge sý kelýi múmkin, jaǵdaidy baqylap otyrmyz. Ázirshe jaǵdai turaqty", - dep atap ótti ministrdiń orynbasary.
Onyń aitýynsha, eki kúnde aimaqta eki ailyq jaýyn-shashyn normasy túsken.
"Qardyń erýi men jaýyn-shashyn saldarynan aimaqta, ásirese Aiagózde júzden astam úidi sý basty. Jalpy ShQO-da 138 úidi sý basty. Qazirgi tańda óńirde sý kirgen jáne sýdy sorý jumysy júrgizilip jatqan segiz úi ǵana qaldy", - dep habarlady Ilin.
Sonymen qatar, ministrdiń orynbasary jaqyn kúnderi Almaty, Qyzylorda jáne Ońtústik Qazaqstan oblystarynda da sý deńgeii kóterilýi múmkin ekenin aitty.
Eske salaiyq, Shyǵys Qazaqstanda Aiagóz, Ulan, Glýbokovskii aýdandary men Óskemen qalasynda sý tasqyny bolǵan.
