Shyǵys Qazaqstan oblysynda kólik muz astyna túsip ketti, dep habarlaidy QazAqparat.
ShQO politsiia departamenti baspasóz qyzmetiniń málimetine súiensek, oqiǵa Kókpekti aýdanynyń aýmaǵynda bolǵan.
«Toiota» kóligi Ertiste muz astyna qulap ketti. 53 jastaǵy Óskemen qalasynyń turǵyny birden politseilerge habarlasyp, kómek suraǵan.
«Oqiǵa ornyna tártip saqshylary shuǵyl kelip jetti. Olar kólikti muzdan alyp shyqty. Júrgizýshi esh jaraqat alǵan joq», - dep habarlady vedomstvo ókilderi.
