Shyǵys Qazaqstan oblysynda shekteý sharalary 8 jeltoqsanǵa deiin uzartyldy, dep habarlaidy "Ult aqparat".
ShQO bas memlekettik sanitar dárigeriniń «oblys turǵyndary arasynda COVID-19 infektsiiasynyń aldyn alý boiynsha shekteý sharalaryn kúsheitý týraly» 2020 jylǵy 10 qarashadaǵy №24 qaýlysyna ózgerister men tolyqtyrýlar engizildi.
Qujatta jazylǵandai, óńir boiynsha karantin 8 jeltoqsanǵa deiin uzartyldy. Shekteý sharalarynyń merzimi oblys aýmaǵynda COVID-19 infektsiiasynyń taralýy boiynsha ahýaldyń ózgerýine sáikes qaita qaralýy múmkin.
«Ridder qalasynda, Glýbokoe jáne Altai aýdandarynda ornalasqan bazarlardy qospaǵanda, ǵimarattan tys jerde azyq-túlik satatyn oryndardyń aptanyń barlyq kúninde saǵat 08.00-den 18.00-ge deiin jumys isteýine ruqsat etildi. Al azyq-túlikten basqa taýar satatyn saýda nysandary dúisenbiden jumaǵa deiin saǵat 08.00-18.00 aralyǵynda ashyq bolady. Olardyń demalys (senbi, jeksenbi) jáne mereke kúnderi jumys isteýine tyiym salynǵan», - delingen qaýlyda.
