Shyǵys Qazaqstan oblysy Ulan aýdanynda et konservilerin óndiretin zaýyt salynbaq, dep habarlaidy «Ult aqparat».
ShQO aqparat ortalyǵynyń málimetine súiensek, Ulan aýdanynda aýyl sharýashylyǵy salasynyń damýyna serpin beretin birqatar joba júzege asyrylýda.
Aiyrtaý aýyldyq okrýgindegi «Rejebaliev» sharýa qojalyǵyndaǵy sút-taýar fermasynda saýyn tabynyn ulǵaitý boiynsha qarqyndy jumys júrgizilýde. Sharýashylyq ónimdiligi joǵary, asyl tuqymdy mal satyp alýdy josparlap otyr.
«Aýdanda qazirdiń ózinde Óskemen qus fabrikasynyń úsh obektisi salynýda. Et jáne et ónimderin óndirý boiynsha úlken klaster qurý josparlanǵan. Gerasimovka aýyl sharýashylyǵy bazasynda 5 myń basqa arnalǵan bordaqylaý alańynyń, sondai-aq et konservilerin óndirý zaýytynyń qurylysy bastaldy. Jobanyń jalpy quny 700 mln teńgeni quraidy. Búginde qurylys-montajdaý jumystary aiaqtalyp, Resei Federatsiiasynan jabdyqtardy jetkizýshilermen shart jasaldy» delingen habarlamada.
Osy jyldyń sáýir-mamyr ailarynda ishki qurylys jumystary aiaqtalmaq. Jalpy kásiporyn kúnine 25 tonnaǵa deiin et, 8 myń danaǵa deiin konservi shyǵarýdy josparlap otyr. Olar ónimderdi Resei men Qytai elderine eksporttaidy.
