Foto: © Sputnik / Abzal Kaliev
ShQO Ekologiia departamentiniń basshysy jemqorlyq jasady degen kúdikke ilindi, dep habarlaidy "Ult aqparat" Antikor baspasóz qyzmetine silteme jasap.
"Shyǵys Qazaqstan oblysynyń Sybailas jemqorlyqqa qarsy qyzmeti Ulttyq qaýipsizdik komitetiniń Departamentimen ózara is-qimyl negizinde ótkizgen jedel-izdestirý is-sharalarynyń nátijesinde oblystyń Ekologiia departamentiniń basshysyn áshkereledi.
Ol qatty paidaly qazbalardy barlaý kezinde qorshaǵan ortaǵa emissiialaýǵa ruqsat etkeni jáne jalpy qamqorlyǵy úshin kásipkerlik sýbektilerinen birneshe ret para aldy degen kúdikke ilindi.
Tergeý sotynyń sanktsiiasymen kúdikti qamaýǵa alyndy" - delingen habarlamada.
Sotqa deiingi tergeý jalǵasyp jatyr.
Qylmystyq-protsestik kodeksiniń 201-babyna sáikes ózge aqparat jariia etýge jatpaidy.
Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
