Keshe Shyǵys Qazaqstan oblysy Borodýliha aýdanynyń Dmitrievka aýyldyq okrýginde shóp órtenip, tilsiz jaý 50 gektar aýmaqqa jaiylǵan, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetinshe, oqiǵa ornyna birden №21 órt sóndirý bólimi attanǵan. Qyzyl jalyndy sóndirýge jergilikti atqarýshy organ qyzmetkerleri men sol mańaidaǵy sharýa qojalyqtardyń jumysshylary da kómek kórsetti. Tilsiz jaýdy sóndirýge jalpy sany 5 tehnika men 14 adam jumyldyrylǵan.
«Óńirdegi ystyq ári qurǵaq aýa raiy daladaǵy órt qaýpin arttyryp otyr. Osy rette aimaq halqyn órt qaýipsizdigi erejelerin qatań saqtaýǵa shaqyramyz. Sebebi temeki tuqyly, sirińke, durys janbaǵan qoqys dala shóbi ormannyń otqa oranýyna ákelip soǵýy ábden múmkin», - delingen vedomstvo málimetinde.
Aita keteiik, órt shyqqan jaǵdaida turǵyndar birden «101» nómirine dereý qońyraý shalǵany abzal.
