Shyǵys Qazaqstan oblysy Borodýliha aýdanynda qutqarýshylar aiazdy kúni jolda qalǵan 3 adamdy úilerine jetkizdi, dep habarlaidy "Ult aqparat".
ShQO tótenshe jaǵdailar departamenti baspasóz qyzmetiniń málimetine súiensek, 7 qańtar tańǵy saǵat 06:00 shamasynda «Mitsýbisi Padjero» kóliginiń jolaýshylary qutqarýshylarǵa habarlasyp kómek surady.
Belgili bolǵandai, aýa temperatýrasynyń kúrt sýytýynyń saldarynan Baryshovka jáne Jernovka aýyldarynyń arasyndaǵy tasjolda kóliktiń dizel otyny qata bastaǵan.
Sol kezde Borodýliha aýdanynda synap baǵanasy -30 gradýsty kórsetken edi.
«Oqiǵa ornyna kelip jetken qutqarýshylar «Niva Shevrolet» kóligimen 3 adamdy evakýatsiialady. «Mitsýbisi Padjero» avtokóligin súireýge sol mańnan ótip bara jatqan «VAZ 2115» kóliginiń júrgizýshisi kómektesti» dep habarlady vedomstvo ókilderi.
Osy rette TJD turǵyndarǵa alys saparǵa shyqqan kezde Darmen mobildi qosymshasy arqyly joldardyń jai-kúii týraly aldyn ala bilip alýǵa keńes beredi.
