Shyǵys Qazaqstan oblysynda shekteý sharalary 25 qarashaǵa deiin uzartyldy.
Bul týraly arnaiy baspasóz máslihaty barysynda ShQO Taýarlar men qyzmetterdiń sapasy men qaýipsizdigin baqylaý departamenti basshysynyń mindetin atqarýshy Talǵat Tuńǵyshbaev sanitarlyq beketterdiń jumysy týraly aityp berdi, dep habarlaidy "Ult aqparat".
Onyń sózine qaraǵanda, 1 qarashadan bastap óńirge syrttan keletinderdi baqylaý úshin 15 sanitarlyq beket jumys istep jatyr. Úsh beket Almaty, bireýi Qaraǵandy jáne ekeýi Pavlodar oblystarymen shektesetin aýmaqtarda ornalasqan. Sondai-aq, 2 beket QR Memlekettik shekarasy arqyly ótetin «Aýyl» jáne «Ýba» ótkizý beketterinde jáne 7 beket Óskemen qalasy boiynsha ornatylǵan.
10 qarashadan bastap «Baqty» jáne «Maiqapshaǵai» ótkizý beketterindegi taǵy eki sanitarlyq beket óz jumysyn bastady.
Aita keteiik, oblysishilik avtobýstardyń, shaǵyn avtobýstardyń jáne ózge de jolaýshylar tasymalynyń qozǵalysyna tyiym salyndy.
Ulan aýdanynyń Qasym Qaisenov, Glýbokoe aýdanynyń Opytnoe pole, Ýshanovskoe jáne Beloýsovka kentteri boiynsha qatynaityn marshrýttar toqtatylǵan joq.
