Shyǵys Qazaqstan oblysynda mektepterdi jóndeýge 11 mlrd teńge baǵyttaldy. Bul týraly atalǵan óńir ákimi Danial Ahmetov málim etti, dep habarlaidy "Ult aqparat".
«Shekteý men karantin sharalaryn engizý qadamdary bilim berý júiesine áser etti. Pedagogtarǵa qysqa merzimde qashyqtan bilim berý ádisine beiimdelýge týra keldi. Osy oraida kompiýteri joq balalar bilim berý baǵdarlamasynan tys qalmaýy úshin qajetti sharalar atqaryldy», - dedi ákim Ortalyq kommýnikatsiialar qyzmetinde.
Onyń sózine qaraǵanda, oblys mektepterine qosymsha 33,7 myń kompiýter satyp alynyp, osy oraida kompiýterlik park 54 myńǵa deiin artty.
Jalpy bilim alýshylardyń 90 paiyzdan astamy internet jelisine qosyldy.
«Oblysta úsh aýysymdaǵy mektepter máselesi sheshildi, biyl úsh mektepti paidalanýǵa berdik. Jumyspen qamtýdyń jol kartasy baǵdarlamasynyń arqasynda 394 jalpy bilim beretin nysynyn jóndeýden ótkizdik. Osy maqsatqa 11 mlrd teńge baǵyttalyp, bul ótken jyldarǵa qaraǵanda bes ese artyq», - dedi D. Ahmetov.
Budan buryn habarlanǵandai ShQO ákimi oqýshylardyń koronavirýs juqtyrý jaǵdailaryna túsinik berdi.
