شىعىس قازاقستان وبلىسىندا مەكتەپتەردٸ جٶندەۋگە 11 ملرد تەڭگە باعىتتالدى. بۇل تۋرالى اتالعان ٶڭٸر ەكٸمٸ دانيال احمەتوۆ مەلٸم ەتتٸ, دەپ حابارلايدى "ۇلت اقپارات".
«شەكتەۋ مەن كارانتين شارالارىن ەنگٸزۋ قادامدارى بٸلٸم بەرۋ جٷيەسٸنە ەسەر ەتتٸ. پەداگوگتارعا قىسقا مەرزٸمدە قاشىقتان بٸلٸم بەرۋ ەدٸسٸنە بەيٸمدەلۋگە تۋرا كەلدٸ. وسى ورايدا كومپيۋتەرٸ جوق بالالار بٸلٸم بەرۋ باعدارلاماسىنان تىس قالماۋى ٷشٸن قاجەتتٸ شارالار اتقارىلدى», - دەدٸ ەكٸم ورتالىق كوممۋنيكاتسييالار قىزمەتٸندە.
ونىڭ سٶزٸنە قاراعاندا, وبلىس مەكتەپتەرٸنە قوسىمشا 33,7 مىڭ كومپيۋتەر ساتىپ الىنىپ, وسى ورايدا كومپيۋتەرلٸك پارك 54 مىڭعا دەيٸن ارتتى.
جالپى بٸلٸم الۋشىلاردىڭ 90 پايىزدان استامى ينتەرنەت جەلٸسٸنە قوسىلدى.
«وبلىستا ٷش اۋىسىمداعى مەكتەپتەر مەسەلەسٸ شەشٸلدٸ, بيىل ٷش مەكتەپتٸ پايدالانۋعا بەردٸك. جۇمىسپەن قامتۋدىڭ جول كارتاسى باعدارلاماسىنىڭ ارقاسىندا 394 جالپى بٸلٸم بەرەتٸن نىسىنىن جٶندەۋدەن ٶتكٸزدٸك. وسى ماقساتقا 11 ملرد تەڭگە باعىتتالىپ, بۇل ٶتكەن جىلدارعا قاراعاندا بەس ەسە ارتىق», - دەدٸ د. احمەتوۆ.
بۇدان بۇرىن حابارلانعانداي شقو ەكٸمٸ وقۋشىلاردىڭ كوروناۆيرۋس جۇقتىرۋ جاعدايلارىنا تٷسٸنٸك بەردٸ.
