sýret ashyq derekkózden alyndy
Senat tóraǵasy Máýlen Áshimbaev respýblikalyq biýdjet shyǵystarynyń kiristen eki ese artqanyna narazy boldy, - dep habarlaidy Tengrinews.kz.
Máýlen Áshimbaev keiingi bes jylda respýblikalyq biýdjettiń kirisi men munaidan túsetin túsimder 66 paiyzǵa, shyǵystar osy kezeńde 120 paiyzǵa artqanyn atap ótti.
"Bizde kiristerge qaraǵanda shyǵystar eki ese artqan. Osyǵan bailanysty Úkimettiń bul aqshany ne Ulttyq qordan, ne biýdjet tapshylyǵyn arttyrý arqyly alýy túsinikti jáne qisyndy. Biýdjetti osy naqtylaýda biýdjet tapshylyǵy burynǵy deńgeide qalǵanyn, iaǵni Ulttyq qordan alǵanyn kóremiz. Basqa derekkózder joq. Nemese salyq bazasyn ulǵaitý qajet.
Osy oraida, bárimizge qarjylyq tártipke kelip, strategiialyq shyǵystarǵa Ulttyq qordyń qarajatyn ǵana jumsap, jalpy alǵanda, Ulttyq qordyń aktivterin ulǵaitý boiynsha naqty strategiia bolýy kerek degen basty messedj. 4 trilliondap aqsha alatyn bolsaq, bul aktivterdi qalai jáne qandai jolmen kóbeitemiz?", - deidi Senat spikeri.
