Sybailas jemqorlyqqa qarsy is-qimyl agenttigi Almaty qalalyq politsiia departamentiniń 500 qorǵanysh kostiýmin 125 million teńgege satyp alýdan bas tartýyna qatysty mán-jaidy túsindirdi, dep habarlaidy QazAqparat tilshisi.
Eske sala ketsek, keshe Almaty politsiiasy nelikten 500 qorǵanysh kostiýmin 125 million teńgege satyp almaǵanyn túsindirgen bolatyn. Departament taýardyń sapasy baǵasyna sai emes ekenin kórip, jazbasha túrde kelisimshartty buzatynyn málim etken.
«Bul satyp alý mamyr aiynyń basynda júrgizilgen. Áý basta Almaty qalalyq politsiia departamenti qorǵanys kostiýmderin satyp alǵan. Qoǵam ókilderi internette bul baǵytta memlekettik satyp alý júrgizilip jatqanyn jariialady. Biz olarmen bailanysqa shyǵyp, bastapqy kelisimniń bekitilgenin bildik. Alaida artynsha kelisimshart buzyldy. Mynadai fakt oryn aldy: bazarda 15-20 myń teńgelik kostiýmder kelisimge sáikes 250 myń teńge dep kórsetilgen. Aqyry kelisimshart buzyldy, eshkimge eshqandai shyǵyn keltirilgen joq», - dep málim etti bul jaiǵa qatysty Sybailas jemqorlyqqa qarsy is-qimyl agenttigi Preventsiia departamentiniń sybailas jemqorlyqqa qarsy departamentiniń basqarmasy basshysy Daniiar Iakýpov onlain rejimde ótken baspasóz máslihatynda.
