سىبايلاس جەمقورلىققا قارسى ٸس-قيمىل اگەنتتٸگٸ الماتى قالالىق پوليتسييا دەپارتامەنتٸنٸڭ 500 قورعانىش كوستيۋمٸن 125 ميلليون تەڭگەگە ساتىپ الۋدان باس تارتۋىنا قاتىستى مەن-جايدى تٷسٸندٸردٸ, دەپ حابارلايدى قازاقپارات تٸلشٸسٸ.
ەسكە سالا كەتسەك, كەشە الماتى پوليتسيياسى نەلٸكتەن 500 قورعانىش كوستيۋمٸن 125 ميلليون تەڭگەگە ساتىپ الماعانىن تٷسٸندٸرگەن بولاتىن. دەپارتامەنت تاۋاردىڭ ساپاسى باعاسىنا ساي ەمەس ەكەنٸن كٶرٸپ, جازباشا تٷردە كەلٸسٸمشارتتى بۇزاتىنىن مەلٸم ەتكەن.
«بۇل ساتىپ الۋ مامىر ايىنىڭ باسىندا جٷرگٸزٸلگەن. ەۋ باستا الماتى قالالىق پوليتسييا دەپارتامەنتٸ قورعانىس كوستيۋمدەرٸن ساتىپ العان. قوعام ٶكٸلدەرٸ ينتەرنەتتە بۇل باعىتتا مەملەكەتتٸك ساتىپ الۋ جٷرگٸزٸلٸپ جاتقانىن جارييالادى. بٸز ولارمەن بايلانىسقا شىعىپ, باستاپقى كەلٸسٸمنٸڭ بەكٸتٸلگەنٸن بٸلدٸك. الايدا ارتىنشا كەلٸسٸمشارت بۇزىلدى. مىناداي فاكت ورىن الدى: بازاردا 15-20 مىڭ تەڭگەلٸك كوستيۋمدەر كەلٸسٸمگە سەيكەس 250 مىڭ تەڭگە دەپ كٶرسەتٸلگەن. اقىرى كەلٸسٸمشارت بۇزىلدى, ەشكٸمگە ەشقانداي شىعىن كەلتٸرٸلگەن جوق», - دەپ مەلٸم ەتتٸ بۇل جايعا قاتىستى سىبايلاس جەمقورلىققا قارسى ٸس-قيمىل اگەنتتٸگٸ پرەۆەنتسييا دەپارتامەنتٸنٸڭ سىبايلاس جەمقورلىققا قارسى دەپارتامەنتٸنٸڭ باسقارماسى باسشىسى دانييار ياكۋپوۆ ونلاين رەجيمدە ٶتكەن باسپاسٶز مەسليحاتىندا.
