Qaraǵandyda jol erejesin buzǵan 19 jastaǵy astanalyq júrgizýshi jaýapkershilikten jaltarmaq bolyp, kóliginiń nómirin sheship, ony jasyrǵan. Alaida politseiler ony beinebaqylaý kameralary arqyly anyqtady, dep habarlaidy ult.kz.
Polisia.kz málimetinshe, áleýmettik jelide taraǵan beinejazbada nómirsiz Kia Rio kóliginiń baǵdarshamnyń qyzyl túsine ótkeni kórinedi.
Politseiler kóliktiń qozǵalys baǵytyn anyqtap, ony jasyrǵan jerinen tapqan. Júrgizýshi nómirlerdi jaýapkershilikten qashý úshin sheship alǵanyn moiyndaǵan.
Oǵan qatysty ákimshilik hattamalar toltyrylyp, kólik aiypturaqqa qoiyldy. Júrgizýshi kóligin qaitarý úshin tiisti rásimderden ótip, aiyppuldar boiynsha bereshegin óteýi kerek.
