Shveitsariiada shekteý sharalary birtindep jeńildetilýde. Bul týraly Sanitariialyq-epidemiologiialyq baqylaý komitetin habarlady.
Shveitsariiada 26 maýsymda elde qashyqtan jumys isteý rejimi, kóshede bet perdeni kiiý mindeti alyndy. Sondai-aq, azamattar óziniń ekpe saldyrǵandyǵyn rastaityn kýálikti, COVID-19 infektsiiasynan saýyǵyp shyqandyǵy týraly nemese PTR testtiń teris nátijesi bar anyqtamany usynǵan jaǵdaida, meiramhanalarǵa kelýshilerdiń jáne jappai is-sharalarǵa qatysýshylardyń sanyna qoiylǵan shekteýler alynyp tastalmaq. Shengen aimaǵyndaǵy basqa elderdiń azamattary Shveitsariiaǵa kelgennen keiin endi karantinge jatýǵa mindetti emes. Biraq Úndistannan, Ulybritaniiadan jáne koronavirýstyń jańa nusqalary qarqyndy taralyp jatqan elderden keletin azamattar úshin shekteýler kúshin joiǵan joq.
Jańa Zelandiia astanasy Vellingtonda kelýshilerdiń birinen koronavirýs infektsiiasy anyqtalǵandyqtan shaharda shekteý sharalary engizildi. Bul sharalardyń lokdaýnǵa jatpaityndyǵyn atap ótken jón. Bilik ókilderi mundai árekettiń «saqtyq sharalary» ekendigin aitty. Mektepter men dúkender ashyq qalsa da, áleýmettik bailanysqa qoiylǵan shekteýler alynǵan joq. Osylaisha, 100-den astam adamnyń jinalýyna tyiym salynady. Is-sharalarǵa qatysýshylardyń barlyǵy ózara 1-2 metrlik qashyqtyqty saqtaýy tiis.
