Jambyl oblysy politsiia departamentiniń esirtki qylmysyna qarsy is-qimyl basqarmasynyń qyzmetkerleri jedel-izdestirý barysynda Shý aýdanynyń 44 jastaǵy turǵynyn ustady, dep habarlaidy "Ult aqparat".
Turǵynnyń úiin tintý barysynda jalpy salmaǵy 10 keli 120 gramm «keptirilgen marihýana», 210 gramm «gashish», sondai-aq 17 keli 480 gramm marihýana tuqymy salynǵan 14 plastikalyq ydys pen qap tabylyp, tárkilendi.
Atalǵan derekke qatysty QR Qylmystyq kodeksiniń 296-baby 4-bóligi boiynsha sotqa deiingi tergeý amaldary bastalǵan.
Ustalǵan azamat kinásin tolyq moiyndap, Shý aýdanynyń ýaqytsha ustaý izoliatoryna qamaqqa alyndy.
Jambyl oblysy politsiia departamentiniń esirtki qylmysyna qarsy is-qimyl basqarmasynyń bastyǵy, politsiia polkovnigi Asqar Jumabekov tárkilengen 17 keli 480 gramm tuqymnan qylmyskerler 2 gektarǵa deiingi alqapqa marihýana ósire alatynyn atap kórsetti.
