Jambyl oblysynda eki jetkinshekke jynystyq zorlyq-zombylyq kórsetti degen aiyppyn ustalǵan kúdiktiniń meshit qyzmetine qatysy joq, dep habarlaidy QazAqparat Qazaqstan musylmandary dini basqarmasynyń Jambyl oblysy boiynsha ókildiginiń baspasóz qyzmetine silteme jasap.
«Jańalyqtarda jasóspirimderge jynystyq zorlyq-zombylyq kórsetti degen aiyptyny imamnyń kómekshisi dep jatyr. Kúdikti Jambyl oblysy Shý aýdany Birlik aýylynda 1992 jyly dúniege kelgen, esh jerde jumys istemeidi. Atalǵan aýyl turǵynynyń meshitke keide kelip júrgeni bolmasa, meshittiń dini rásimderine qatysy joq. Jambyl oblysynda meshit qyzmetkeri retinde tirkelmegen», - delingen aqparatta.
Osy oraida Qazaqstan musylmandary dini basqarmasynyń Jambyl oblysy boiynsha ókildigi meshitke túrli adamdardyń kelip-ketetinin eske salady.
«Oblystyq «Hibatýlla Tarazi» meshiti BAQ-tyń joǵaryda atalǵan aýyl turǵynyn meshit kómekshisi dep aitqany shyndyqqa janaspaityndyǵyn málimdeidi. Nur-Sultan qalasy 2019 jyly 23 qazanda jaryq kórgen «QMDB qurylymyndaǵy dini laýazymdar tizilimi jáne mindetteri erejesine sáikes «meshit kómekshisi» degen laýazym joq», - deidi atalǵan vedomstvodan.
Aita ketsek, keshe Shýda 9 jasar eki balaǵa jynystyq zorlyq-zombylyq jasady degen kúdikti ustaldy.
Taraǵan aqparatqa sáikes, 30 jastaǵy aiypty 9 jastaǵy eki jetkinshekti uzaq ýaqyttan beri zorlap kelgen.
