Politsiia qyzmetkerleri qara naryqtaǵy quny 25 mln teńge bolatyn eskirtkini tárkiledi, dep habarlaidy QazAqparat.
«Ótken aptada Jambyl oblysynyń Aisha Bibi tasjolynda patrýldik inspektorlar «VMW H5» kóliginiń salonynan 8 qap marihýana tapty. Qaptardyń jalpy salmaǵy 200 keli ekeni anyqtaldy. Astanalyq saqshylar da marihýananyń iri partiiasyn tárkiledi. Michýrin kentindegi jeke turǵyn úidiń kómir qorasynan salmaǵy 42 keli bolatyn 4 qap marihýana tabyldy. Úi iesi bul esirtkige óziniń qatysy joq ekenin aityp aqtaldy. Biraq ózin tintý kezinde «gashish» tabyldy. Iisshil itterdiń kómegimen úidiń ishinen satýǵa dep daiyndaǵan 35 oram «gashish» tárkilendi. Búkil tárkilengen esirtkiniń mólsheri 8500 dozaǵa teń. Onyń qara naryqtaǵy baǵasy 25 mln teńgedei bolady»», - dedi Ishki ister ministrliginiń ókili Shuǵyla Turlybek.
Sondai-aq, Jambyl oblysynyń politseileri Shý aýdanynyń bir turǵynynan 160 keli esirtki tárkilegen. Onyń úiiniń shatyrynan 8 qap marihýana tabylǵan.
Al Mańǵystaý oblysynyń politsiia qyzmetkerleri Aqtaý qalasynyń turǵynynan «mefedron» sintetikalyq esirtskisin tárkilegen. Onyń telefonynda ersitki oramdary jasyrylǵan oryndardyń geolokatsiiasy shyqqan.
«Qazir ustalǵan kúdiktiniń ústinen sotqa deiingi tergeý júrip jatyr. Bul iske qatysy bar degen kúdikpen birneshe adam ustaldy», - dedi IM ókili.
