پوليتسييا قىزمەتكەرلەرٸ قارا نارىقتاعى قۇنى 25 ملن تەڭگە بولاتىن ەسكٸرتكٸنٸ تەركٸلەدٸ, دەپ حابارلايدى قازاقپارات.
«ٶتكەن اپتادا جامبىل وبلىسىنىڭ ايشا بيبٸ تاسجولىندا پاترۋلدٸك ينسپەكتورلار «ۆMW ح5» كٶلٸگٸنٸڭ سالونىنان 8 قاپ ماريحۋانا تاپتى. قاپتاردىڭ جالپى سالماعى 200 كەلٸ ەكەنٸ انىقتالدى. استانالىق ساقشىلار دا ماريحۋانانىڭ ٸرٸ پارتيياسىن تەركٸلەدٸ. ميچۋرين كەنتٸندەگٸ جەكە تۇرعىن ٷيدٸڭ كٶمٸر قوراسىنان سالماعى 42 كەلٸ بولاتىن 4 قاپ ماريحۋانا تابىلدى. ٷي يەسٸ بۇل ەسٸرتكٸگە ٶزٸنٸڭ قاتىسى جوق ەكەنٸن ايتىپ اقتالدى. بٸراق ٶزٸن تٸنتۋ كەزٸندە «گاشيش» تابىلدى. يٸسشٸل يتتەردٸڭ كٶمەگٸمەن ٷيدٸڭ ٸشٸنەن ساتۋعا دەپ دايىنداعان 35 ورام «گاشيش» تەركٸلەندٸ. بٷكٸل تەركٸلەنگەن ەسٸرتكٸنٸڭ مٶلشەرٸ 8500 دوزاعا تەڭ. ونىڭ قارا نارىقتاعى باعاسى 25 ملن تەڭگەدەي بولادى»», - دەدٸ ٸشكٸ ٸستەر مينيسترلٸگٸنٸڭ ٶكٸلٸ شۇعىلا تۇرلىبەك.
سونداي-اق, جامبىل وبلىسىنىڭ پوليتسەيلەرٸ شۋ اۋدانىنىڭ بٸر تۇرعىنىنان 160 كەلٸ ەسٸرتكٸ تەركٸلەگەن. ونىڭ ٷيٸنٸڭ شاتىرىنان 8 قاپ ماريحۋانا تابىلعان.
ال ماڭعىستاۋ وبلىسىنىڭ پوليتسييا قىزمەتكەرلەرٸ اقتاۋ قالاسىنىڭ تۇرعىنىنان «مەفەدرون» سينتەتيكالىق ەسٸرتسكٸسٸن تەركٸلەگەن. ونىڭ تەلەفونىندا ەرسٸتكٸ ورامدارى جاسىرىلعان ورىنداردىڭ گەولوكاتسيياسى شىققان.
«قازٸر ۇستالعان كٷدٸكتٸنٸڭ ٷستٸنەن سوتقا دەيٸنگٸ تەرگەۋ جٷرٸپ جاتىر. بۇل ٸسكە قاتىسى بار دەگەن كٷدٸكپەن بٸرنەشە ادام ۇستالدى», - دەدٸ ٸم ٶكٸلٸ.
