Shri-Lankanyń ÁTK teńizshileri men jergilikti turǵyndar jaǵajaiǵa shyǵyp qalǵan 120-ǵa jýyq kishkentai kitterdi ólimnen qutqardy. Bul oqiǵa Pandýra qalasynyń mańyndaǵy araldyń ońtústik-batys jaǵalaýynda oryn alǵan, dep habarlaidy Reuters agenttigi.
Bastapqyda tek áskeri qyzmetshilerdiń kúshimen júrgizilgen qutqarý operatsiiasyna ondaǵan jergilikti turǵyndar qosylǵan. Shri-Lankada koronavirýsqa bailanysty túngi komendanttyq saǵat rejimine qaramastan, adamdar qutqarýshylar tobyna qosylyp, kitterdi muhitqa jetkizdi.
Keibireýler taqtai jáne taǵy basqa da sýda qalqityn materialdardy paidalanyp, kitterdi jaǵadan alyp shyqty. «Qutqarý sharalary ótken túni boiy toqtaýsyz jalǵasty, – dedi Shri-Lanka ÁTK-niń resmi ókili kapitan Indika de Silva jýrnalisterge. – Biz 100-120 shaqty kitke kómek kórsete aldyq. Ókinishke orai, olardyń úsheýin qutqara almadyq».
Jyl saiyn álemniń ártúrli aimaqtarynda jaǵalaýǵa, ádette jaǵajailarǵa 2 myńnan astam kitter men kit tárizdiler otriadynyń basqa da ókilderi shyǵyp qalady. Olar kóbinese sýsyzdanýdan óledi.
