Sybailas jemqorlyqqa qarsy is-qimyl agenttiginiń tóraǵasy Alik Shpekbaev sybailas jemqorlyqtyń ekonomikalyq faktorlaryn atady, dep habarlaidy QazAqparat.
Búgin agenttikte birinshi jartyjyldyqty qorytyndylaýǵa arnalǵan alqa otyrysy ótti. Jiynda agenttik tóraǵasy Alik Shpekbaev sybailas jemqorlyqtyń ekonomikalyq faktorlaryn atady.
«Qazaqstanda sybailas jemqorlyqtyń negizgi ekonomikalyq faktorlarynyń biri, árine, ekonomikadaǵy áli de saqtalyp otyrǵan eleýli memlekettiń úlesi. Sheneýnikter basqaratyn memlekettik kásiporyndar erekshe tiimdilikpen kózge túspeidi jáne de sybailas jemqorlyq málimetine jii iligedi», - dedi agenttik tóraǵasy Alik Shpekbaev.
Onyń aitýynsha, qazirgi pandemiia daǵdarysy iskerlik belsendilikke qatty soqqy bergen.
«Osyǵan bailanysty ony sapaly qalpyna keltirý úshin kásipkerlikti barynsha erkindik pen básekelestiktiń qaǵidattary negizinde memlekettik retteýdi aýqymdy yryqtandyrýǵa baǵyttalǵan keshendi sheshimder qajet. Biznesti júrgizý úshin qolaily orta qurý – bul strategiialyq mindet, sonymen qatar, sybailas jemqorlyqqa qarsy saiasat turǵysynan da dál solai. Tiisti tujyrymdamalyq sharalar 2021-2023 jyldarǵa arnalǵan sybailas jemqorlyqqa qarsy strategiiany iske asyrý jónindegi is-sharalar josparynda kózdeletin bolady», - dedi Alik Shpekbaev.
