Arsyz sheneýnikter pandemiia kezinde «qaltasyn toltyrýǵa» tyrysty. Bul týraly QR Sybailas jemqorlyqqa qarsy is-qimyl agenttiginiń tóraǵasy Alik Shpekbaev aitty, dep habarlaidy "Ult aqparat".
«2020 jyl – adamzat tarihyndaǵy eń aýyr kezeńderdiń biri. Álemdegi memlekettik apparat azamattardyń seniminen jappai aiyrylyp, buryn-sońdy bolmaǵan daǵdarysqa tap boldy. Pandemiia kezinde halyq bilikke úmit artyp, qamqorlyq pen kómek kútip otyrǵanda keibir arsyz sheneýnikter men top-menedjerler zańnan da, Qudaidan da qoryqpai, laýazymyn «qaltasyn toltyrýǵa» paidalanyp, júieli túrde para alyp, biýdjet qarjysyn jymqyrdy. Meniń oiymsha, óz halqynyń qaiǵy-qasireti arqyly baiý – satqyndyq pen adam óltirýge teń!», - dedi Alik Shpekbaev agenttiktiń alqa otyrysynda.
Agenttik basshysynyń dereginshe, pandemiiamen bailanysty 100 qylmystyq is tirkeldi. Onyń jartysyna jýyǵy – daǵdarysqa qarsy bólingen qarajatty jymqyrý.
«Biz 100 qylmystyq is tirkedik. Olardyń jartysyna jýyǵy - daǵdarysqa qarsy sharalarǵa bólingen qarajatty jymqyrý. 2 mlrd teńgeden astam somaǵa qymbat baǵaǵa 132 ÓJJ apparatyn satyp alý faktileriniń joly kesildi», - dedi ol.
