ارسىز شەنەۋنٸكتەر پاندەمييا كەزٸندە «قالتاسىن تولتىرۋعا» تىرىستى. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اليك شپەكباەۆ ايتتى, دەپ حابارلايدى "ۇلت اقپارات".
«2020 جىل – ادامزات تاريحىنداعى ەڭ اۋىر كەزەڭدەردٸڭ بٸرٸ. ەلەمدەگٸ مەملەكەتتٸك اپپارات ازاماتتاردىڭ سەنٸمٸنەن جاپپاي ايىرىلىپ, بۇرىن-سوڭدى بولماعان داعدارىسقا تاپ بولدى. پاندەمييا كەزٸندە حالىق بيلٸككە ٷمٸت ارتىپ, قامقورلىق پەن كٶمەك كٷتٸپ وتىرعاندا كەيبٸر ارسىز شەنەۋنٸكتەر مەن توپ-مەنەدجەرلەر زاڭنان دا, قۇدايدان دا قورىقپاي, لاۋازىمىن «قالتاسىن تولتىرۋعا» پايدالانىپ, جٷيەلٸ تٷردە پارا الىپ, بيۋدجەت قارجىسىن جىمقىردى. مەنٸڭ ويىمشا, ٶز حالقىنىڭ قايعى-قاسٸرەتٸ ارقىلى بايۋ – ساتقىندىق پەن ادام ٶلتٸرۋگە تەڭ!», - دەدٸ اليك شپەكباەۆ اگەنتتٸكتٸڭ القا وتىرىسىندا.
اگەنتتٸك باسشىسىنىڭ دەرەگٸنشە, پاندەمييامەن بايلانىستى 100 قىلمىستىق ٸس تٸركەلدٸ. ونىڭ جارتىسىنا جۋىعى – داعدارىسقا قارسى بٶلٸنگەن قاراجاتتى جىمقىرۋ.
«بٸز 100 قىلمىستىق ٸس تٸركەدٸك. ولاردىڭ جارتىسىنا جۋىعى - داعدارىسقا قارسى شارالارعا بٶلٸنگەن قاراجاتتى جىمقىرۋ. 2 ملرد تەڭگەدەن استام سوماعا قىمبات باعاعا 132 ٶجج اپپاراتىن ساتىپ الۋ فاكتٸلەرٸنٸڭ جولى كەسٸلدٸ», - دەدٸ ول.
