Elektrondyq ulttyq valiýta qurýdy jedeldetý kerek. Bul biýdjet qarajatynyń ashyqtyǵyn tolyq qamtamasyz etedi. Búgin QR Sybailas jemqorlyqqa qarsy is –qimyl agenttiginiń alqa otyrysynda agenttik tóraǵasy Alik Shpekbaev osylai málim etti.
Jiyn barysynda tóraǵa biýdjet qarajatyna qatysty sybailas jemqorlyq máselelerine toqtala kele, bul baǵytta «Tsifrlyq Qazaqstan» baǵdarlamasynyń mańyzdylyǵyn atap ótti. Sonymen qatar, Alik Shpekbaev elektrondyq ulttyq valiýta qurýdy jedeldetýdi usyndy.
«Taǵy bir perspektivalyq baǵyt– elektrondyq ulttyq valiýta qurý. Birinshiden, bul paraqorlar úshin yńǵaily qolma-qol aqshany qysqartýdy jedeldetedi. Ekinshiden, memlekettik satyp alý kezinde biýdjet qarajaty qozǵalysynyń tolyq ashyqtyǵyn qamtamasyz etedi», - dedi A. Shpekbaev.
