Ákimdikter - eń paraqor qurylymdar. Bul týraly QR Memlekettik qyzmet isteri jáne sybailas jemqorlyqqa qarsy is-qimyl agenttigi Tóraǵasynyń orynbasary Alik Shpekbaev málimdedi, — dep habarlaidy Tengrinews.kz.
«Eń kóp para alatyndar — ákimdiktegiler, ishki ister qyzmetindegiler, Aýyl sharýashylyǵy ministrligi, Qarjy ministrliginiń Memlekettik kirister departamenti. Osy qurylymdarda paraqorlyq jailap tur, bularǵa qarsy eskertý men profilaktikalyq sharalar qoldaný qajet», — dedi Shpekbaev.
Onyń aitýynsha, munyń aldyn alý úshin memlekettik qyzmetterdi elektrondy formatqa kóshirý kerek jáne memqyzmette júrgenderdiń jalaqysyn ósirý qajet.
«Birinshi kezekte olarda ekonomikalyq motivatsiia bolýy tiis. Jalpy sybailas jemqorlyqqa qarsy kúres júrgizbegen basshylarǵa talapty kúsheitip, shara qoldaný kerek», — dedi ol.
