Short-trekten Qazaqstan ulttyq qurama komandasynyń bas bapkeri Mádiǵali Qarsybekov óz komandasynyń oiynyna baǵa berdi, dep habarlaidy QazAqparat.
«Bul - Abzal Ájiǵaliev men Denis Nikishada úshinshi olimpiada, qalǵandary birinshi ret qatysyp tur. Birinshi distantsiiada komandamyz besinshi orynǵa shyqty, bul - biz úshin joǵary nátije. 12 komanda medalǵa talasty, bizdiń ul-qyzdarymyz qulamai, barlyq erejesimen durys ótti. Degenmen, qyzdarymyzdyń nátijesi áli de tómenirek. Denis pen Abzal, Ádil – jaqsy sprinterler. Qyzdardyń sprinterligi jetispegendikten medalǵa talasa almady. Sol daiyndyǵymen besinshi orynǵa jetkeni – jaqsy nátije», - dedi jattyqtyrýshy QR UOK uiymdastyrǵan ZOOM-konferentsiiada.
Sonymen birge, Qarsybekov short-trekshi Ádil Ǵaliahmetovtiń kórsetkishine pikir bildirdi.
«Saiysqa 10 adam shyqqan soń, olardy basyp ozý qiyn. Bir jaǵynan sheberligi de jetpedi. Zań boiynsha alty adam jarysqa shyqqanda, joǵary nátije kórseter edi. Biraq Ádildiń ózi – tabiǵatynan talantty bala. Bizde ondai kópsaiysshy sportshy bolmaǵan. Ol 500 metrge de, 1000, 1500 jáne 3 myń metrge de júgiredi. Álem chempionaty bastalǵanda júldeli bolady dep úmittenemiz», - dedi Mádiǵali Qarsybekov.
Aita keteiik, 23 jastaǵy Ǵaliahmetov eresekter arasyndaǵy Olimpiadaǵa alǵash ret qatysyp, birinshi múmkindiginde-aq finalǵa joldama aldy.
